WwW.Shqip.Forumi.Biz

Përfundimisht Olta Boka përfaqëson Shqipërinë në “Eurosong 2008”Përfundimisht Olta Boka përfaqëson Shqipërinë në “Eurosong 2008”Përfundimisht Olta Boka përfaqëson Shqipërinë në “Eurosong 2008”
Po bëhen 9 ditë nga përfundimi i edicionit të 46-të të festivalit të këngës në Radio Televizionin Shqiptar, kurse diskutimet dhe kundërthëniet nuk kanë të ndalur.
Çështja e ngritur para disa ditësh nga drejtori artistik i festivalit ishte që të merret vendim për anulimin e këngës fituese të festivalit.

Por, Këshilli Drejtues i Radio Televizionit Shqiptar ka analizuar rrjedhën e edicionit të 46-të të festivalit dhe nuk ka marrë vendim që të anulojë vendin e parë për këngën fituese, por as të kërkojë përgjegjësi për konfliktin e interesit të drejtorit artistik Zhulali. Për më shumë, i atakuari i fundit ka kërkuar anulimin e vendit të parë si dhe ka paraqitur një varg ankesash përmes një letre. Ai ka vazhduar ta konsiderojë veten i dëmtuar nga votimi, ndaj është kërcënuar se do të ushtrojë ankesë në këshillin drejtues të “Eurosongut”. Bazuar në këtë, Zhulali ka kërkuar edhe ngritjen e një jurie tjetër të festivalit, por një propozim i tillë nuk ka kaluar. "Pas diskutimeve të gjata dhe të ashpra, pjesa më e madhe e këshillit, që për mendimin ishte e paragjykuar, nuk e pranuan kërkesën time dhe kërkesa ime bazohej në anulimin e vendimit të kësaj jurie”, ka thënë Zhulali. Nga ana tjetër, anëtari tjetër i këshillit, Fatmir Toçi, ka deklaruar se ankesat e Zhulalit janë të pavend, pasi që vendimi i jurisë, sipas rregullores së festivalit të miratuar më parë, është i pandryshuar. "E zgjedhur nga organet drejtuese të RTSH dhe festivalit, juria pastaj vepron si institucion fare i pavarur, ndaj është juri dhe nuk mund t'i marrë mendjen askush dhe të bëjë pastaj siç kërkojnë të tjerët", ka shtuar Toçi. Ai ka bërë të ditur se më shqetësues është fakti se ka dalë në shesh konflikti i interesit që ka shkaktuar Zhulali. Sipas rregullores së festivalit të miratuar vite më parë, gjegjësisht sipas nenit 7.3, është e palejueshme që personat përgjegjës në RTSH të jenë edhe konkurrentë në festival. "Është e pashembullt, që kjo ka ndodhur në festival, që drejtori artistik konkurron me këngën e tij, ne këtë nuk e dinim dhe ka dalë fare e papritur dhe kënga e tij ka hyrë në momentin e fundit në festival dhe mban përgjegjësinë drejtori i përgjithshëm që ka bërë atë që ka bërë", ka shtuar Toçi, duke theksuar se për këtë problem këshilli do të diskutojë në mbledhjen e muajit janar. Tutje Toçi ka shfaqur mendimin e tij se vendi i dytë duhet t`i merret këngës së Zhulalit. "Ky diskutim nuk do të duhej të vazhdohej me telenovelat e këtij lloji, por nga ana juridike nuk duhej të konkurronte kënga ose Zhulali të jepte dorëheqje si drejtor artistik i festivalit, sepse kjo është e shkruar në rregullore dhe ne veprojmë gjithnjë sipas rregullores", ka theksuar Toçi.